Krúsakökur
2 1/2 bolli hveiti
2 bollar haframjöl
2 bollar sykur
250 gr smjörlíki/smjör mjúkt
2 egg
2 tsk lyftiduft
1/2 tsk matarsódi
1 bolli saxaðar rúsínur
200 gr súkkulaði saxað
Þurrefnunum blandað saman í skál, eggjum,smjöri er svo blandað við. Mér finnst best að nota fingurna í þessa vinnu.
Kreista og klípa deigið þannig að smjörið og eggið bindi restina vel saman. Hnoðað og svo mótað í nokkrar aflangar jafnar lengjur og sett í kæli.
Ég geri deigið oft að kvöldi og baka svo daginn eftir.
Skera lengjurnar í jafna bita, móta bitana með fingrunum, búa til kúlur og setja á bökunarklædda ofnplötu, nota svo gaffal til að ýta þeim aðeins niður.
Þær stækka töluvert í ofninum svo það borgar sig að hafa nægt rými á milli þeirra.
Best er að baka þær í miðjum ofni við 175 gráður í 10 mínútur.
