Bhuna Gosht

bhuna gosht namm-2

750 gr svínalundir eða fille
2 msk kóríander fræ-grófmöluð í mortéli
1 tsk nýmalaður svartur pipar
1 msk paprikuduft
4 msk olía
salt
Knippi af ferskum kóríander
sítrónubátar

 

Þetta er ákaflega einföld uppskrift.  Undirbúningur er frá 1-24 tímar, það er sem sagt marineringin sem  hægt er gera klukkutíma áður en eldað en er enn betri ef kjötið er látið bíða í kæliskáp í sólarhring.
En steikingin er einungis 5 mínútur.

Skerið lundirnar í sneiðar. Stingið í bitana með gaffli. Blandið saman kóríanderfræjum,
pipar,paprikudufti og salti og nuddið vel inn í bitana.Setjið í plastpoka og nuddið kjötið
í gegnum pokann. Geymið á borði í 1 klst eða í kæli í sólarhring.
Hitið olíuna á pönnu, setjið kjötið á heita pönnuna og brúnið snöggt til að loka kjötinu.Lækkið hitann og steikið í 5 mínútur eða þar til það er gegnumsteikt, hrærið í til að það brenni ekki. Takið af hellunni og kreistið einn sítrónubát yfir kjötið.
Með þessu bar ég fram hrísgrjón, gúrku og ferskt spínat með fersku kóríander og mangó.
Gott að hafa sítrónubáta með og kreista yfir kjötið aftur ef þið viljið.Það er engin sósa, kannski örlítiill soðsafi úr pönnunni sem ég hellti yfir salatið. Það er líka gott að hafa hreina jógúrt með.
Þetta er réttur sem allir aðdáendur kóríander mega ekki láta fram hjá sér fara.

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>